X
تبلیغات
موقع الشاعرالحسيني هاني المذحجي - یحسین الک حنّت حنین النوگ اخت عباس

موقع الشاعرالحسيني هاني المذحجي

یحسین الک حنّت حنین النوگ اخت عباس

 

یحسین الک حنّت حنین النوگ اخت عباس

یا بوالشیم،یا بوالوفه هـا یــا قطیــع الراس

                 ______________

من عینی شلت یحسین          بس امن الگلب لاله

وحملک هل بگه مطروح      تریده ارجال شیّاله

وآنه ابهالظعن ظلیت            وحیده وحالتی حاله

ایام الغدر یحسین                شوف اشلون میّاله

دهری جفه وخان ابهلی وحزّن جمیع الناس               

یا بوالشیم،یا بوالوفه هـا یــا قطیــع الراس

                 ______________

وحیده اوبالظعن ظلیت          وحیده وشابحه الناظر

گلبی ناره یبن امی               مثل نار الخیم شاجر

اعاین یمنتی ویسرای            مامش والی لا ناصر

بس عندی العلیل اویای          نحیل او یکسر الخاطر

امگّید علی وماظل ولی تسمعنی یـا جرناس

یا بوالشیم،یا بوالوفه هـا یــا قطیــع الراس

                 ______________

یحسین ابشدد یاخوی              ردتک ساعة العازه

گلبی الیوم یالوالی                  بلطف فاگد اعزازه

ما ادری زمانی اشلون            بخوتی گام یتوازه

اعیونی اتشوف خوانی            جنازه امحمّله اجنازه

سهم الغدر لم الخدر یـا وسفه صاب وجـاس

یا بوالشیم،یا بوالوفه هـا یــا قطیــع الراس

                 ______________

یحسین الصبر مرهم                بس الصبر ملاّنی

سیف الدهر تابعنی                  وبلطف گطع جنحانی

یاوسفه والف یاحیف                شالوا طبگ خوانی

اشوف اشلون تتساگط               واحد من بعد ثانی

للمرجله ابحــی کربــله خوانــی دگت ساس

یا بوالشیم،یا بوالوفه هـا یــا قطیــع الراس

                 ______________

یبن امی الگمر وینه                ذاکه الکافل اضعونی

ارید اتعاتب آنه اویاه               واراوی ورمن امتونی

اعیونی تنعمی یاریت              اذا ماشوفن اعیونی

بیکم چنت اشیل الراس            وهسه انگطعت اضنونی

لهلی الشرف دمعی همل یا راعی النوماس

یا بوالشیم،یا بوالوفه هـا یــا قطیــع الراس

                 ______________

 

 

 

 

یحسین اختک ابذمتک               اخبرک طاحت ابحیره

انسبت زینب یخوزینب              سبوها الدیره من دیره

واعرفنک یبوالاکبر                  شجاع وصاحب الغیره

عله بختّک رضیت اشلون؟         تمشی زینب ایسیره

للــحد حمــایه انتــــم اهلها وانتــــم الحراّس

یا بوالشیم،یا بوالوفه هـا یــا قطیــع الراس

                 ______________       

 

کلمات شاعر اهل البیت(ع) هانی علی المذحجی ابوحیدر

11/2/90

 

 

+ نوشته شده در  دوشنبه دوازدهم اردیبهشت 1390ساعت 9:50  توسط المذحجي  |